Eduardo De Filippo: ‘A Morte
Eduardo De Filippo: ‘A Morte
di Milena Pastena
Nel 1975 Eduardo De Filippo affidò al M.Roberto De Simone un manoscritto inedito con l’impegno di pubblicarlo solo dopo la sua scomparsa per non impressionare il figlio Luca…
Eduardo immagina la Morte come una nonnina gentile che ti prende per mano e ti accompagna .È un’immagine assai lontana da quella che sempre ci viene proposta , è una vecchietta con un aspetto tenero e amorevole , appare disarmata , non ha una falce , ma solo due manine bianche .
È una morte che non fa paura e rispecchia fedelmente la concezione tipicamente popolare e napoletana .
Sappiamo bene quanto il Maestro fosse superstizioso , austero e severo e con un carattere non facile .
E quindi presentarla in modo così tenero e simpatico lo rassicura e gli fa pensare , e ci fa pensare ,che se morire è un fatto ineluttabile , l’idea della finestrella aperta può rappresentare anche un nuovo inizio , una speranza in una vita migliore .
‘A Morte
S’è araputa ‘a fenesta stamattina,
‘a fenesta s’è araputa, e chi è trasuto, neh?
chi s’è assettata ncopp ‘o parapetto
e cu nu pizzo a riso m’ha guardato?
Andivinate! ‘A Morte.
Nce voluto tiempo pe’ ssapè
ch’era ‘a Morte mperzona.
E già, pecchè
nun era cu ll’uocchie scafutate,
cu tutt’ ‘e diente ‘a fora e senza naso,
comme sempe hanno ditto ch’era ‘a Morte!
Addo’! Ma quanno maie!…
Era ‘na vicchiarella accunciulella.
Me pareva ‘a nonna, Sant’Anna.
Era, gnorsì, na faccia cummigliata
cu ‘a pelle sulamente,
ma na pelle d”o culore d”a cera,
chella cera ca serve p”e cannele
ca se trovano ‘o juorno ‘a Cannelora,
e ddoie manelle
ch’erano ammennole ammunnate.
Ve ll’aggio ditto: me pareva Sant’Anna.
M’è venuta a ffa visita e m’ha ditto:
– Guagliunciè…-
Pe’ na persona antica comm’a essa
so’ tutte guagliuncielle,
viecchie e giovane- -Guagliunciè,
mò ce avimmo ‘a vedé spisso,
accussì, a poco’a vota,
ce truvammo gusto, trasimmo in confidenza,
in simpatia,
fino a quanno te piglio sott”o vraccio
e parlanno parlanno te ne viene cu mmico.
-E va bene-
aggio ditto,
Cumme site simpatica!
V’aspetto.
-Quann’è ca te fa comodo,
ca nun te dongo fastidio
e ca te trovo libero
ca putimmo parlà?…
-Sempe meglio ‘e dummeneca”.
-E ll’orario?”
– Verso ‘e ccinch’e mmèza:
io songo matenante.
-Io- m’ha risposto
e l’è scappat’a rridere,
-tengo troppo che ffa’,
nun dormo maje”.
-Viat’a vvuie-
e me so’ mis’a rridere pur’io.
-Tu pure si’ simpatico…
-Grazie del complimento.
-Aspe’… –
m’ha ditto
pe’ tramente
se ne scennev’‘a copp”o parapetto,
-che te vulevo dicere,
ca m’è scappat”a mente…
‘O ttengo mpizz”e lengua…
Ah me so’ arricurdata.
Quanno vene’a dummeneca,
lass”a fenesta aperta.
Sinò tu chiude…
io arapo…
Sparagnammo fatica.
E se n’è scesa.
